पेशींचे कारखाने…
रोगांवर मात करण्यासाठी आता लवकरच पेशींचे कारखाने उभे राहिले तर नवल नाही. पेंटॅगॉनचा पुढाकार असणारे हे संशोधन उपचार विज्ञानात क्रांतीच करणार आहे…
………………………..
जीवशास्त्राच्या दृष्टिकोनातून येणाऱ्या वर्षात मानवी जीवनात आमूलाग्र बदल घडवून आणणारे अनेक क्रांतिकारी शोध लागण्याचे स्पष्ट संकेत दिसत आहेत. मानवी शरीरातील पेशीतील जीवरासायनिक प्रक्रियांवर नियंत्रण मिळवून या पेशींचे ‘जिवंत कारखाने’ बनविण्याचे संशोधन पेंटॅगॉन या अमेरिकन संरक्षण संस्थेद्वारा करण्यात येत असून या संशोधनाचे परिणाम या वर्षात समोर येण्याचे संकेत आहेत. या संशोधनातून मानवी शरीरातील पेशीतील रासायनिक प्रक्रियांवर नियंत्रण मिळविण्यात तसेच मानवी शरीरातील रोगप्रतिकारक शक्ती वाढविण्यावर या संशोधनात भर असून त्याद्वारे रोगांचा मुकाबला करण्यासाठी भक्कम संरक्षणयंत्रणा निर्माण करण्यासाठी हे क्रांतिकारी संशोधन ठरणार आहे.
पेंटॅगॉनतर्फे जीवशास्त्रविषयक संशोधनासाठी वेगळा विभाग केला असून या विभागाद्वारे पेशी अभियांत्रिकीविषयक संशोधनावर विशेष भर देण्यात येत आहे. येणाऱ्या काळात जीवशास्त्रविषयक संशोधनाला येणारे महत्त्व लक्षात घेता पेंटॅगॉनतर्फे जीवरसायनविषयक संशोधनावर विशेष भर देत जीवशास्त्रातील विशेष संशोधन हाती घेण्यात आले आहे.
पेशीद्वारे निर्माण होणाऱ्या अनेक रसायनांचा वापर वैद्यकीय उपचारासाठी करण्यात येतो. उदाहरणार्थ यीस्ट किंवा बॅक्टेरियासारख्या सूक्ष्मजीवांच्या पेशीत निर्माण होणाऱ्या अनेक घटकांचा वापर होतो. या सूक्ष्मजीवांद्वारे निर्माण होणाऱ्या रसायनांवर नियंत्रण मिळविण्यासाठी या संशोधनात भर देण्यात येत असल्याचं पेंटॅगॉनच्या जीवशास्त्रविषयक संशोधन गटाचे प्रमुख डॉ. जस्टिन सँन्चेझ यांनी म्हटले आहे.
या संशोधनद्वारे पेशीद्वारे निर्माण करण्यात येणाऱ्या अनेक जीवनावश्यक घटकांवर नियंत्रण मिळविण्यात शास्त्रज्ञांनी यश मिळवलं आहे. या घटकांची निर्मिती करण्यास कारणीभूत असलेल्या जीवरासायनिक प्रक्रियांचं नियंत्रण करण्यात पेंटॅगॉन संशोधनगटाला यश आलं आहे. या तंत्रात रसायनं पेशीत निर्माण करण्यास कारणीभूत असणाऱ्या जनुकांवर नियंत्रण मिळविण्यात येतं. जनुकांवर नियंत्रण मिळवून पेशीत निर्माण होणाऱ्या रसायनांच्या निर्मितीसाठीची आज्ञावली निर्माण करण्यात ह्या संशोधन गटाला सफलता मिळाली आहे. यीस्टसारख्या कवकात जवळपास हजारांहून अधिक रासायनिक घटकांची निर्मिती करण्यात हा गट यशस्वी ठरला आहे. पेशीची जनुकीय आज्ञावली बदलून पेशीचं ‘री - प्रोग्रॅमिंग’ करण्याचं तंत्र या गटानं विकसित केलं आहे. या संशोधनाद्वारे पेशीतील घटकांची निर्मिती मोठ्या प्रमाणात केल्यामुळे अनेक औषधं तसेच रासायनिक घटकांची निर्मिती प्रयोगशाळांतून तसेच औद्योगिक स्तरावर आता करता येईल.
केवळ जनुकीय घटकांवर नियंत्रण मिळविण्यावर हा संशोधन गट थांबला नसून पेशीतील डीएनए रेणूची आज्ञावली बदलण्याचं तंत्रही या गटाने विकसित केलं आहे. विशेषतः अनेक दुर्धर आजारांवर नियंत्रण मिळविण्यासाठी डीएनए रेणूची आज्ञावली ‘कोड’ स्वरूपात विकसित करण्यात या गटाला यश मिळालं आहे. पेशीत रोगसंसर्ग झाल्यास तो टाळण्यासाठी लागणाऱ्या घटकांचा ‘कोड’ या पेशीत संक्रमित केला जाऊन त्याद्वारे कुठल्याही रोगावर मात करता येणं आता शक्य होणार आहे.
रोगांवर नियंत्रण मिळविण्याबरोबर या गटाने संसर्गजन्य रोगांचा प्रादुर्भाव रोखण्यासाठी पेशीच्या जनुकीय संरचनेत बदल घडवून विशिष्ट रोगावर लागणाऱ्या लसीची निर्मिती करण्यासाठी आवश्यक ‘कोड’ विकसित केले आहेत. पारंपरिक पद्धतीने अनेक दुर्धर रोगावर मात करण्यासाठी करण्यात येणाऱ्या संशोधनासाठी मोठा कालावधी लागतो. पण या नवीन तंत्रज्ञानामुळे पेशींतील डीएनए रेणूच्या संरचनेत झटपट बदल घडवून रोगांवर मात करण्यासाठी मूलभूत तंत्र विकसित करण्यात पेंटॅगॉनमधील जीवशास्त्रीय संशोधन गटास यश आलं आहे. या तंत्रज्ञानाच्या वापरास लागणाऱ्या चाचण्या होत असून प्रयोगशाळातून प्राण्यांवर करण्यात आलेल्या चाचण्या सफल झाल्या आहेत.
पेशीतील रसायनांची निर्मिती करण्यासाठी विकसित करण्यात आलेल्या तसेच डीएनए रेणूच्या संरचनेत बदल करून विकसित करण्यात आलेल्या ‘कोड’ तंत्रज्ञानाद्वारे मानवी जीवनात आमूलाग्र परिवर्तन घडून येणार असून त्यासाठी निर्माण केले जात आहेत ‘पेशींचे कारखाने’…
रोगांवर मात करण्यासाठी आता लवकरच पेशींचे कारखाने उभे राहिले तर नवल नाही. पेंटॅगॉनचा पुढाकार असणारे हे संशोधन उपचार विज्ञानात क्रांतीच करणार आहे…
………………………..
जीवशास्त्राच्या दृष्टिकोनातून येणाऱ्या वर्षात मानवी जीवनात आमूलाग्र बदल घडवून आणणारे अनेक क्रांतिकारी शोध लागण्याचे स्पष्ट संकेत दिसत आहेत. मानवी शरीरातील पेशीतील जीवरासायनिक प्रक्रियांवर नियंत्रण मिळवून या पेशींचे ‘जिवंत कारखाने’ बनविण्याचे संशोधन पेंटॅगॉन या अमेरिकन संरक्षण संस्थेद्वारा करण्यात येत असून या संशोधनाचे परिणाम या वर्षात समोर येण्याचे संकेत आहेत. या संशोधनातून मानवी शरीरातील पेशीतील रासायनिक प्रक्रियांवर नियंत्रण मिळविण्यात तसेच मानवी शरीरातील रोगप्रतिकारक शक्ती वाढविण्यावर या संशोधनात भर असून त्याद्वारे रोगांचा मुकाबला करण्यासाठी भक्कम संरक्षणयंत्रणा निर्माण करण्यासाठी हे क्रांतिकारी संशोधन ठरणार आहे.
पेंटॅगॉनतर्फे जीवशास्त्रविषयक संशोधनासाठी वेगळा विभाग केला असून या विभागाद्वारे पेशी अभियांत्रिकीविषयक संशोधनावर विशेष भर देण्यात येत आहे. येणाऱ्या काळात जीवशास्त्रविषयक संशोधनाला येणारे महत्त्व लक्षात घेता पेंटॅगॉनतर्फे जीवरसायनविषयक संशोधनावर विशेष भर देत जीवशास्त्रातील विशेष संशोधन हाती घेण्यात आले आहे.
पेशीद्वारे निर्माण होणाऱ्या अनेक रसायनांचा वापर वैद्यकीय उपचारासाठी करण्यात येतो. उदाहरणार्थ यीस्ट किंवा बॅक्टेरियासारख्या सूक्ष्मजीवांच्या पेशीत निर्माण होणाऱ्या अनेक घटकांचा वापर होतो. या सूक्ष्मजीवांद्वारे निर्माण होणाऱ्या रसायनांवर नियंत्रण मिळविण्यासाठी या संशोधनात भर देण्यात येत असल्याचं पेंटॅगॉनच्या जीवशास्त्रविषयक संशोधन गटाचे प्रमुख डॉ. जस्टिन सँन्चेझ यांनी म्हटले आहे.
या संशोधनद्वारे पेशीद्वारे निर्माण करण्यात येणाऱ्या अनेक जीवनावश्यक घटकांवर नियंत्रण मिळविण्यात शास्त्रज्ञांनी यश मिळवलं आहे. या घटकांची निर्मिती करण्यास कारणीभूत असलेल्या जीवरासायनिक प्रक्रियांचं नियंत्रण करण्यात पेंटॅगॉन संशोधनगटाला यश आलं आहे. या तंत्रात रसायनं पेशीत निर्माण करण्यास कारणीभूत असणाऱ्या जनुकांवर नियंत्रण मिळविण्यात येतं. जनुकांवर नियंत्रण मिळवून पेशीत निर्माण होणाऱ्या रसायनांच्या निर्मितीसाठीची आज्ञावली निर्माण करण्यात ह्या संशोधन गटाला सफलता मिळाली आहे. यीस्टसारख्या कवकात जवळपास हजारांहून अधिक रासायनिक घटकांची निर्मिती करण्यात हा गट यशस्वी ठरला आहे. पेशीची जनुकीय आज्ञावली बदलून पेशीचं ‘री - प्रोग्रॅमिंग’ करण्याचं तंत्र या गटानं विकसित केलं आहे. या संशोधनाद्वारे पेशीतील घटकांची निर्मिती मोठ्या प्रमाणात केल्यामुळे अनेक औषधं तसेच रासायनिक घटकांची निर्मिती प्रयोगशाळांतून तसेच औद्योगिक स्तरावर आता करता येईल.
केवळ जनुकीय घटकांवर नियंत्रण मिळविण्यावर हा संशोधन गट थांबला नसून पेशीतील डीएनए रेणूची आज्ञावली बदलण्याचं तंत्रही या गटाने विकसित केलं आहे. विशेषतः अनेक दुर्धर आजारांवर नियंत्रण मिळविण्यासाठी डीएनए रेणूची आज्ञावली ‘कोड’ स्वरूपात विकसित करण्यात या गटाला यश मिळालं आहे. पेशीत रोगसंसर्ग झाल्यास तो टाळण्यासाठी लागणाऱ्या घटकांचा ‘कोड’ या पेशीत संक्रमित केला जाऊन त्याद्वारे कुठल्याही रोगावर मात करता येणं आता शक्य होणार आहे.
रोगांवर नियंत्रण मिळविण्याबरोबर या गटाने संसर्गजन्य रोगांचा प्रादुर्भाव रोखण्यासाठी पेशीच्या जनुकीय संरचनेत बदल घडवून विशिष्ट रोगावर लागणाऱ्या लसीची निर्मिती करण्यासाठी आवश्यक ‘कोड’ विकसित केले आहेत. पारंपरिक पद्धतीने अनेक दुर्धर रोगावर मात करण्यासाठी करण्यात येणाऱ्या संशोधनासाठी मोठा कालावधी लागतो. पण या नवीन तंत्रज्ञानामुळे पेशींतील डीएनए रेणूच्या संरचनेत झटपट बदल घडवून रोगांवर मात करण्यासाठी मूलभूत तंत्र विकसित करण्यात पेंटॅगॉनमधील जीवशास्त्रीय संशोधन गटास यश आलं आहे. या तंत्रज्ञानाच्या वापरास लागणाऱ्या चाचण्या होत असून प्रयोगशाळातून प्राण्यांवर करण्यात आलेल्या चाचण्या सफल झाल्या आहेत.
पेशीतील रसायनांची निर्मिती करण्यासाठी विकसित करण्यात आलेल्या तसेच डीएनए रेणूच्या संरचनेत बदल करून विकसित करण्यात आलेल्या ‘कोड’ तंत्रज्ञानाद्वारे मानवी जीवनात आमूलाग्र परिवर्तन घडून येणार असून त्यासाठी निर्माण केले जात आहेत ‘पेशींचे कारखाने’…
